AquaOurense dispón dun sistema de xestión da calidade que engade valor á organización e proporciona un marco de referencia para establecer obxectivos nos seguintes ámbitos do seu alcance: Realización das analíticas de augas de consumo para dar cumplimento ao RD 140/2003 así como no desempeño das asistencias técnicas as entidades locais da provincia de Ourense relacionadas co ciclo integral da auga e do medio ambiente. O sistema de xestión da calidade en AquaOurense está certificado en base á norma UNE-EN ISO 9001:2015.

AquaOurense dispón dun sistema de xestión medioambiental a través do cal se asegura o cumprimento dos requisitos legais medioambientais aplicables ao fornecemento do servizo, así como do seu compromiso explícito coa sociedade e o medio, a preservación da biodiversidade e a prevención da contaminación. A implantación deste sistema de xestión medioambiental é esencial xa que nos axuda a controlar, mediante a súa reducción ou eliminación, os impactos que producen as nosas actividades no medioambiente, logrando unha empresa moito máis sostible, favorecendo o desenvolvemento de tecnoloxías limpas, mellorando o manexo de todos os aspectos ambientais e o cumprimento da lexislación ambiental vixente. A implantación de normas internacionais e de xestión ambiental, como a norma ISO 14001, promove o coidado do aire, a auga e a calidade do solo, e representa unha grande contribución aos esforzos mundiais destinados a conservar o ambiente no que vivimos. O sistema de xestión medioambiental en AquaOurense está certificado en base á norma UNE-EN-ISO 14001:2015.