Os nosos compromisos en Desenvolvemento Sostible

Neste contexto de incerteza, o cambio climático –e a consecuente perda de biodiversidade– é un dos principais retos aos que nos enfrontamos como sociedade. Estes desafíos teñen un impacto directo na auga e na súa dispoñibilidade en cantidade (cada vez menor) e calidade; e, como consecuencia, na saúde dos ecosistemas e na das persoas. 

Os riscos climáticos e as catástrofes naturais, así como os conflitos xeopolíticos e as crises que deles se deriven, van estar cada vez máis presentes. Por iso, a colaboración público-privada eríxese como unha estratexia fundamental para abordalos. En AquaOurense estamos convencidos de que as iniciativas para levar a cabo unha transición cara a modelos máis respectuosos co medio ambiente deben ir acompañadas de políticas que lles presten especial atención aos colectivos en situación de vulnerabilidade. 

Por todo iso, e despois de levar a cabo unha escoita activa cos nosos grupos de interese reforzamos os nosos compromisos no noso plan estratéxico de Desenvolvemento Sostible, enfocados aos criterios ESG e sempre aliñados coa Axenda 2030: 

• Traballar pola saúde do planeta, loitando contra o cambio climático e a perda de biodiversidade mediante solucións innovadoras para facer fronte aos desafíos que isto supón tanto para a auga como para o medio ambiente. 
• Garantir a saúde das persoas e o acceso á auga, fomentando un uso responsable. 
• Establecer e reforzar vínculos de confianza cos nosos grupos de interese internos e externos, facendo especial fincapé na nosa cadea de valor.